La OEI busca trabayar "día ente día" y "pueblu a pueblu" pa ser útil a la ciudadanía

La Organización d'Estaos Iberoamericanos reivindica la cultura y la ciencia en Mieres

El secretariu xeneral de la Organización d'Estaos Iberoamericanos pa la Educación, la Ciencia y la Cultura (OEI), Mariano Jabonero, destacó esti miércoles la “presencia real” del organismu n'Iberoamérica, onde busca trabayar "día ente día y pueblu a pueblu" coles mires de "ser útiles a esa ciudadanía compartida llingüística, cultural, histórica y económicamente".

Jabonero fixo esta reflexón nun alcuentru na Xunta Xeneral del Principáu d'Asturies nel que participaron miembros de la organización, autoridaes y representantes políticos asturianos y organizaciones del sector de la cooperación internacional, dientro de la programación diseñada pola Fundación Princesa d'Asturies.

L'alcuentru consistió nuna mesa redonda, moderada pol periodista Manuel Campo Vidal, na que participaron tamién el director d’OEI en Colombia, Martín Lorenzo; la docente participante del programa Escueles de Frontera, María Isabel Guerra, y el doctor en Ciencies Sociales y el primera becáu del programa Paulo Freire Plus, Alexander Chaverri.

La Organización d'Estaos Iberoamericanos esplicó esta mañana en Mieres a los alumnos d'ESO y Bachilleratu la importancia de la cultura, de la ciencia pal desenvolvimientu de los países.

Ayudólos el director Javier Fesser, l'autor d'un curtiumetraxe onde s'esplica unu de los programes col oxetivu d’ameyorar la calidá educativa de 55.000 escueles rurales llevando por casu un ordenador y internet.